腰馬蓄勁及鬆勁或散勁運用
Posted By: 何基 (Ho Kay)
Category: Chum Kui | Views: 1446 | Replies: 0
Thu Jul 01, 2004 9:34 am
上次成仔問尋橋各節手法上馬步法有何作用及分別問題,無錯,各節手法步法係不一用勁也不同,第一節係練習初步轉馬,用雙攔手大幅度作一百八十度(面向計)轉馬,主要練習要腰身放鬆、身体平等,此段先要練習一段時間,掌握到正確轉馬方法技術後對學習以後尋橋手法可收事半功倍之效。

第一節由一百八十度攔手轉馬至九十度(面向計)膀手轉馬是重要轉馬過程,大家不要忽此過程,“甚麼過程呢?師兄。”就係腰馬蓄勁及鬆勁或散勁運用。“蓄勁”及“鬆勁?”無錯,係詠春非常重要心法之一,袛要掌握到此點,能純熟運用,那怕黐手或臨陣對搏,莫不從容以對。“師兄可否詳細解釋。”我在上屆黐手比賽網上評述講過,部份選手發力不準及不勻,就係下下都一樣力,下下都谷了力,不曉得需要放鬆時放鬆、要發勁時才發勁,橋手大部份時間過硬,可能緊張關係,未能做到蓄勁及鬆勁運用,其實師父平時教你地“要用力時才用力,不需要用力時不用力”亦是同樣道理。“蓄勁、鬆勁同發勁如何練,如何用,為何這樣重要呢?”詠春以發短勁為主,不懂蓄鬆勁運周,發短勁不知從何說。如何練習就由簡單一點的小念頭講起吧,由攤手及伏手轉成護手後,如果護手太低,你會發覺手腕及手臂肌肉谷硬了,太高呢整條手臂太鬆及無力,只有指尖與下巴大約齊平係最適當,你會發覺腕至臂雖仍係放鬆,但橋手己蓄了勁,係最初步最基本的自然蓄勁,此點亦係時常強調“位置”之重要性。“師兄,還有沒有放鬆而又蓄勁例子,兩同存有矛盾嗎?”我曾講過獵豹追捕獵物例子,撲擊之前定必弓起身,垂下尾,曲起爪小心翼翼慢慢前行,全身要放輕以免驚動獵物,但係實際上連你都感覺獵豹整個身軀己蘊藏巨大力量,準備一擊中,所以放輕放鬆蓄勁並存,並無矛盾,動物得人類一樣得!還有如果獵物醒目驚覺先走頭,既無目標,獵豹惟有鬆勁再等機會。

尋橋己開始蓄勁、鬆勁練習,黐手則作實際運用,所以尋橋並不單練轉腰馬架。“基師兄可否詳細一點每招每式解釋下。”好,但係要下回分解了。



The Trackback URL for this entry is: http://www.wingchunland.com:/trackback.php?eid=12
 
  © Copyright 2012 Wing Chun Land. All rights reserved.